This page has been validated.
EMBRO HIE KIRK
115
The hale o' life by His commands
Was ordered to a body's hands;
But see! this corpus juris stands
By a' forgotten;
An' God's religion in a' lands
Is deid an' rotten.
While thus the lave o' mankind's lost,
O' Scotland still God maks His boast—
Puir Scotland, on whase barren coast
A score or twa
Auld wives wi' mutches an' a hoast
Still keep His law.
In Scotland, a wheen canty, plain,
Douce, kintry-leevin' folk retain
The Truth—or did so aince—alane
Of a' men leevin';
An' noo just twa o' them remain—
Just Begg an' Niven.
