This page has been validated.
120
UNDERWOODS
The king o' drinks, as I conceive it,
Talisker, Isla, or Glenlivet!
For after years wi' a pockmantie
Frae Zanzibar to Alicante,
In mony a fash and sair affliction
I gie't as my sincere conviction—
Of a' their foreign tricks an' pliskies,
I maist abominate their whiskies.
Nae doot, themsels, they ken it weel,
An' wi' a hash o' leemon peel,
And ice an' siccan filth, they ettle
The stawsome kind o' goo to settle;
Sic wersh apothecary's broos wi'
As Scotsmen scorn to fyle their moo's wi'.
An', man, I was a blithe hame-comer
Whan first I syndit out my rummer.
Ye should hae seen me then, wi' care
