This page has been validated.
THE SCOTSMAN'S RETURN FROM ABROAD
123
For first I fand—an' here was news!—
Mere hymn-books cockin' in the pews—
A humanised abomination,
Unfit for ony congregation.
Syne, while I still was on the tenter,
I scunnered at the new prezentor;
I thocht him gesterin' an' cauld—
A sair declension frae the auld.
Syne, as though a' the faith was wreckit,
The prayer was not what I'd exspeckit.
Himsel', as it appeared to me,
Was no the man he üsed to be.
But just as I was growin' vext
He waled a maist judeecious text,
An', launchin' into his prelections,
Swoopt, wi' a skirl, on a' defections.
O what a gale was on my speerit
