This page has been validated.
126
UNDERWOODS
The thrawes o' fear on a' were shed,
An' the hair rose, an' slumber fled,
An' lichts were lit an' prayers were said
Through a' the kintry;
An' the cauld terror clum in bed
Wi' a' an' sindry.
To hear in the pit-mirk on hie
The brangled collieshangie flie,
The warl', they thocht, wi' land an' sea,
Itsel' wad cowpit;
An' for auld aim, the smashed debris
By God be rowpit.
Meanwhile frae far Aldeboran,
To folks wi' talescopes in han',
O' ships that cowpit, winds that ran,
Nae sign was seen,
But the wee warl' in sunshine span
As bricht's a preen.
