This page has been validated.
XV
TO DOCTOR JOHN BROWN
(Whan the dear doctor, dear to a',
Was still amang us here belaw,
I set my pipes his praise to blaw
Wi' a' my speerit;
But noo, Dear Doctor! he's awa',
An ne'er can hear it.)
By Lyne and Tyne, by Thames and Tees,
By a' the various river-Dee's,
In Mars and Manors 'yont the seas
Or here at hame,
Whaure'er there's kindly folk to please,
They ken your name.
