32
The Bonny Blue Bonnet.
O whare gat ye that bonny blue bonnet?
O silly blind body, canna ye see?
I gat it frae a bonny Scots callan,
Atween Saint Johnstown and bonny Dundee.
And O, gin I saw but the laddie that gae me't!
Fu' aft has he doudl'd'me on o' his knce;
But now he's awa, and I dinna ken whare he's;
O gin he was back to his minny and me!
My heart has na room when I think on my dawty:
His dear rosy haffets bring tears in my e'e;
But now he's awa', and I dinna ken whare he's;
Gin we could ance meet, we'se ne'er part till we
die.
And O, gin I saw but my bonny Scots callan!
Fu' aft as he doudr'd me on o' his knee;
But now he's awa', and I dinna ken whare he's;
O gin he was back to his minny and me.
Willy's Rare.
Willy's rare, and Willy's fair,
And Willy's wondrous bonny;
And Willy hecht to marry me,
Gin e'er he married ony,
o, gin e'er he married ony.
