6
But farewell Banff! the nimble steed
Doth bear me hence, I must away;
Yet time perhaps may bring me back,
To part nae mair from scenes so gay.
Auld Robin Gray.
When the sheep are in the fauld, and the kye at hame,
And a' the warld to sleep are gane,
The waes of my heart fa's in show'rs frae my e'e,
When my gudeman lies sound by me.
Young Jamie lo'ed me weel, and he sought me for his bride,
But saving a crown he had naething beside;
To mak' that crown a pund, my Jamie gade to sea,
And the crown and the pund were baith for me.
He had nae been awa' a week but only twa,
When my mither she fell sick, and the cow was stou'd awa';
My father brak' his arm, and my Jamie at the sea,
And auld Robin Gray cam' a courting me.
My father cou'dna work, and my mother cou'dna spin,
I toil'd day and night, but their bread I could na win,
Auld Rob maintain'd them baith, and wi' tears in his e'e,
Said, Jenny, for their sakes, O marry me.
