This page has been validated.
6
“Will ye kiss my wife before my face,
And scad me wi’ punding bree?”
Then up and started our gudewife,
Gi’d three skips on the floor;
“Gudeman, you’ve spoken the foremost word,
Get up and bar the door.”
THE DAYS OF LANGSYNE.
When war had broke in on the peace of auld men,
And frae Chelsea to arms they were summon’d again,
Twa vet’rans grown grey wi’ their muskets sair foll’d,
Wi’ a sigh were relating how hard they had toil’d,
The drum it was beating, to fight they incline,
But ay they look back on the days o’ lang syne.
Eh! Davie man weel thou remembers the time,
When twa brisk young callans, an’ just in our prime,
The prince led us, conquer’d and shew’d us the way,
An’ mony a braw chief we turn’d cauld on that day;
