Page:Welsh Medieval Law.djvu/109

aỽd ẏgoſtegoꝛ adıffer dẏn oꝛ oſtec kẏn-  W fo 37 a
taf hẏt ydıwethaf. aỽd ẏ canhỽẏllẏd
oꝛ pan enẏnher ẏganhỽẏll gẏntaf hẏnẏ
dıffother ẏdıwethaf. aỽd ẏtroedaỽc ẏỽ
oꝛ pan eıſtedho dan traet ẏ bꝛenhín hẏnẏ  5
el ẏr ẏſtauell. aỽd ẏ coc ẏỽ oꝛ pan popo
ẏgolỽẏth kẏntaf hẏt pan oſſotto ẏ dıwe-
thaf rac bꝛon ẏbꝛenhın ar urenhíneſ.
aỽd ẏsỽẏdỽꝛ llys awerẏt ẏdẏn oꝛ pan
dechreuho rannu ẏ bỽẏt. hẏt pan gaffo  10
ẏ dıwethaf ẏ ran. aỽd ẏmedẏd ẏỽ oꝛ
pan darmertho ẏ gerỽẏn ued ẏnẏ cudẏo.
aỽd ẏtrullẏat ẏỽ oꝛ pan dechreuo gua-
llaỽ ẏgerỽyn gyntaf hyt pan darfo. a-
ỽd ẏ medẏc ẏỽ oꝛ pan el ẏ ouỽẏ ẏclaf gan  15
ganhat ẏ bꝛenhín hẏt pan del ẏr llẏs dꝛa-
cheuẏn. aỽd dꝛẏſſaỽꝛ ẏ neuadᵃhebꝛỽg
ẏdẏn hẏt ẏ ureıch aewẏalen parth ar
poꝛthaỽꝛ canyſ ef ae herbẏn. aỽd ẏ
poꝛthaỽꝛ ẏỽ cadỽ ẏdẏn hẏnẏ del ẏpenteu-  20
lu trỽẏ ẏ poꝛth tu ae letẏ. ac ẏna kerdet