Page:Welsh Medieval Law.djvu/121

les ybꝛenhín yd helyant y kynydyon hyt ga-  V fo 8 a
lan racuyr. Odyna hyt naỽuetdyd oracuyr
nys kyfranant ac ef. Naỽuetdyd o racuyr y
gỽeda yr penkynyd dangos yr bꝛenhín y gỽn
ae gyrn ae gynllyfaneu. ae trayan oꝛ crỽyn.  5
hyt naỽuetdyd o racuyr ny cheıff neb oꝛ aẹ hol-
ho penkynyd atteb ygantaỽ onyt vn oꝛ sỽyd-
ogyon llys uyd. kany dyly neb gohıryaỽ y
gılyd oꝛ byd ae barnho. Penkynyd ageıff ran
deu ỽꝛ oꝛ crỽyn ygan gynydyon y gellgỽn. a  10
ran gỽꝛ ygan gynydyon y mílgỽn. ac o tra-
yan y bꝛenhín oꝛ crỽyn y keıff ef y trayan.
Gỽedy ranher ycrỽyn rỽg y bꝛenhín ar kyny-
dyon. aet ypenkynyd ar kynydyon gantaỽ
ar dofreth ar tayogeu y bꝛenhín. ac odyna do-  15
ent at y bꝛenhín erbyn y nadolyc ygymryt eu
ıaỽn ygantaỽ. lle ypenkynyd ar kynydyon
gantaỽ yny neuad. yỽ ygolofyn gyfarỽyn-
eb ar bꝛenhín. Coꝛneıt med adaỽ ıdaỽ ygan y
bꝛenhín neu ygan y penteulu. ar eıl ygan y  20
vꝛenhínes. artrydyd ygan ydıſteín. llamyſ-
ten dof pop gỽyl vıhagel ageıff ef ygan yr
hebogyd. ancỽyn ageıff yny lety. Seıc achoꝛ
neıt med. Ef bıeu trayan dırỽy achamlỽꝛỽ
ac ebedıỽ y kynydyon. athrayan gobꝛeu eu  25