This page has been validated.
7
Quo' he, let's to the auld fouk gang,
Say what they like, I'll bide their bang,
And bide a night, tho' beds be thrang,
But I'll hae thee to Gowrie.
Say what they like, I'll bide their bang,
And bide a night, tho' beds be thrang,
But I'll hae thee to Gowrie.
The auld fouk syne baith gied consent,
The priest was ca'd, a' were content,
Add Katie never did repent,
That she gaed hame to Gowrie.
Far routh o' bonnie bairns had she,
Mair strappin' lads ye wadna see;
And her braw lasses bare the gree,
Frae the rest o' Gowrie.
The priest was ca'd, a' were content,
Add Katie never did repent,
That she gaed hame to Gowrie.
Far routh o' bonnie bairns had she,
Mair strappin' lads ye wadna see;
And her braw lasses bare the gree,
Frae the rest o' Gowrie.
THE DEIL'S AWA WI' THE EXCISEMAN.
The deil cam fiddling thro' the town,
And danc'd awa wi' the Exciseman;
And ilka wife cry'd, Auld Mahoun,
We wish you luck o' the prize, man.
And danc'd awa wi' the Exciseman;
And ilka wife cry'd, Auld Mahoun,
We wish you luck o' the prize, man.
We'll mak our maut, and brew our drink,
We'll dance, and sing, and rejoice, man;
And monie thanks to the muckle black deil,
That danc'd awa wi' the Exciseman.
We'll dance, and sing, and rejoice, man;
And monie thanks to the muckle black deil,
That danc'd awa wi' the Exciseman.
There's threesome, reels, and foursome reels,
There's hornpipes and strathspeys, man:
But the ae best dance e'er cam to our lan',
Was—the deil's awa wi' the Exciseman.
There's hornpipes and strathspeys, man:
But the ae best dance e'er cam to our lan',
Was—the deil's awa wi' the Exciseman.
