When last I rang'd the banks of Tay,
The ring he show'd to me,
And bade me name the bridal day,
And happy would he be.
I ken the laddie will prove kind,
Nae mare my mother will I mind,
Mess John to me will quickly bind,
Young Donal' o' Dundee, &c.
The Braes o' Gleniffer.
Tune—Bonny Dundee.
KEEN blaws the win' o'er the braes o' Gleniffer
The auld castle turrets are cover'd wi' snaw,
How chang'd frae the time when I met wi' my lover,
Amang the broom bushes by Stanely green shaw.
The wild flow'rs o'simmer were spread a' sae bonnie,
The mavis sang sweet frae the green birken tree,
But far to the camp they hae march'd my dear Johnnie,
An' now it is winter wi' nature an' me.
Then ilk thing around us was blythesome an' cheery,
Then ilk thing around us was bonny and braw;
Now naething is heard but the wind whistling dreary,
An' naething is seen but the wide-spreading snaw:
