Peggy Bawn (Edinburgh)/Robin is my only Jo

---

Robin is my only jo.

Robin is my only jo,
For Robin has the a t to woo,
So to his suit I mean to bow,
Because I ken he lo’es me
Happy, happy, was the shower,
That led me to his birken bower.
Whare first of love I fand the power,
And kend that Robin loed me.

They speak of napkins, speak of rings
Speak of gloves, and kissing strings
And name a thousand bonny things
And ca’ them signs he lo’es me.
But I’d prefer a smack o’ Rob,
Sporting on the velvet fog,
To gifts as lang's a plaiden wob,
Because I ken he lo’es ine.

He’s tall and sonsy, flank and free,
Lo’ed by a’, and dear to me,
Wi’ him I'd live, wi’ him I'd die,
Because I ken he lo’es me.
My titty Mary said to me,
Our courtship but a joke wad be,
Aad I, or lang, be made to see
That Robin didna lo'e me

But little kens she what has been,
Me and my honest Rob between,
And in his wooing, O sae keen,
Kind Robin is that lo'es me.
Then flee, ye lazy hours away,
And hasten round the happy day,
When "join your hands," Mess John shall say,
And mak him mine that lo’es me.