Plowman's ditty/Kenmure's on and awa
KENMURE'S ON AND AWA
O Kenmure’s on and awa Willie,
O Kenmure’s on and awa,
An’ Kenmure’s lord’s the bravest lord
That ever Galloway saw.
Success to Kenmure s band, Willie,
Success to Kenmure’s band;
There’s not a heart that fears a Whig,
That rides by Kenmure’s band.
Here’s Kenmure’s health in wine, Willie
Here’s Kenmure’s health in wine;
There ne’er was a coward o’ Keumure’s blude
Nor yet of Gordon’s line.
O Kenmure’s lads are men, Willie,
O Kenmure's lads are men,
Their hearts and swords are metal true,
And that their foes shall ken.
They’ll live or die wi’ fame, Willie,
They’ll live or die wi' fame ,
But soon wi' sounding victory,
Kenmure’s lord come hame!
Here’s him that’s far awa, Willie,
Here’s him that’s far awa
And here's the flower that I loe best,
The rose that’s like the snaw.