Roy's Wife of Aldivalloch (1823)/Roy's wife of Aldivalloch
ROY'S WIFE OF ALDIVALLOCH.
Roy's wife of Aldivalloch,
Roy's wife of Aldivalloch,
Wat ye how she cheated me,
As I cam o'er the braes of Balloch.
She vow’d, she swore she wad be mine;
She said she lo'd me best of ony;
But oh! the fickle faithless quean,
She's ta'en the carle, and left her Johnie.
Roy's wife &c.
O she was a canty quean.
Weel could she dance the Highland walloch;
How happy I, had she been mine,
Or I'd been Roy of Aldivalloch.
Roy's wife, &c,
Her hair sae fair, her een sae clear,
Her wee bit mou' sae sweet and bonnie:
To me she ever will be dear,
Though she's for ever left her Johnie.
Roy's wife. &c.
Tho' Roy's aulder thrice than I,
Perhaps his days 'ill no be mony,
And when the carle's dead and gane,
She then may turn her thoughts on Johnny.
Roy's wife &c.