Sair sair was my heart (1)/Sair sair was my heart

---

---

SAIR SAIR WAS MY HEART.

Sair sair was my heart, when I parted frae my Jean,
An’ sair sair I sigh'd, while the tears stood in my een,
For my daddie is but poor, an’ my fortune is sae sma',
It gars me leave my native Caledonia.

When I think on days now gane, an sae happy’s I hae been,
While wand’ring wi’ my dear, whare the primrose blaws un-seen
I‘m wae to leave my Lassie an’ Daddies cot ava.
Or to leave the health-fu' breeze o' Caledonia.

But wherever I wander, still happy be my Jean,
Nae care disturb her bosom, where peace has ever been,
Then tho’ ills on ills befa' me, for her I’ll bear them a',
Thoagh aft I'll heave a sigh for Caledonia.

But should riches e'er be mine, a»d my Jeanie still be true,
Then blaw ye fav'ring breeze till my native land I view;
I’ll kneel on Scotia's shore, while the heartfelt tears shall fa'
And never leave my Jean, nor Caledonia.

 

---