Seven Scotch songs/The Standard on the Braes

THE STANDARD ON THE BRAES.

The standard on the braes o’ Mar
Is up and streaming rarely,
The gathering pipe on Loch-na-gar
Is sounding lang and sairly;
The Highlandmen frae hill and glen,
In martial hue-in bonnets blue,
With belted plaids and burnish'd blades,
Are coming late and early.
The standard, &c.

Wha wadna join our noble chief-
The Drummond and Glengarry,
Macgregor, or Murray, Rolla, Keith,
Panmure and gallant Harry.
Macdonald's men, Clan-Ronald's men,
Mackenzies' men, Macgilvray's men,
Strathallan's men, the Lowland men
Of Callender and Airly.
The standard, &c.

Fy, Donald, up, and let's awa,
We canna langer parley,
When Jamie's back is at the wa’—
The lad we lo'e sae dearly.
We'll go—we'll go and meet the foe,
And fling the plaid, and swing the blade,
And forward dash, and hack, and slash,
And fleg the German carlie.
The standard, &c.