Seven Select Songs/This is no my ain Lassie

by Robert Burns (1759-1796)

For other versions of this work, see This is no my ain Lassie.

THIS IS NO MY AIN LASSIE.

  O this is no my ain lassie,
   Fair tho' the lassie be;
  O weel ken I my ain lassie,
   Kind love is in her ee.

I see a form, I see a face,
Ye weel may wi' the fairest place;
It wants, to me, the witching grace,
 The kind love that's in her ee.
   O this is to, &c.

She's bonny, blooming straight and tall
And lang has had my heart in thrall;
And ay it charms my very saul,
 The kind love that's in her ee.
   O this is no, &c.

A thief sae pawkie is my Jean,
To steal a bank, by a' unseen;
But gleg as light are lovers' cen,
 When kind love is in the ee.
   O this is no, &c.

It may escape the courtly sparks,
It may escape the learned clerks;
But weel the watching lover marks
 The kind love that's in her ee.
   O this is no, &c.

---