Seven love songs/The land o' the leal
Jump to navigation
Jump to search
For other versions of this work, see The Land of the Leal.
The land o’ the leal.
I’m wearin awa, Jean,
Like snaw-wreathes in thaw, Jean,
I'm wearin awa
To the land o’ the leal.
Like snaw-wreathes in thaw, Jean,
I'm wearin awa
To the land o’ the leal.
There’s uae sorrow there, Jean,
There’s neither cauld nor care, Jean,
The day’s aye fair
In the land o’ the leal.
There’s neither cauld nor care, Jean,
The day’s aye fair
In the land o’ the leal.
Our bonnie bairn’s there, Jean,
She was baith guid and fair, Jean,
And, oh! we grudged her sair
To the land o’ the leal.
She was baith guid and fair, Jean,
And, oh! we grudged her sair
To the land o’ the leal.
But sorrow’s sel’ wears past, Jean,
And joy is comin fast, Jean,
The joy that‘s aye to last
In the land o‘ the leal.
And joy is comin fast, Jean,
The joy that‘s aye to last
In the land o‘ the leal.
Our friends are a‘ gane, Jean,
We’ve lang been lift alane, Jean,—
We’ll a‘ meet again
In the land o‘ the leal.
We’ve lang been lift alane, Jean,—
We’ll a‘ meet again
In the land o‘ the leal.
Oh! dry your glistening e‘e, Jean,
My soul langs to be free, Jean,
And angels beckon me
To the land o‘ the leal.
My soul langs to be free, Jean,
And angels beckon me
To the land o‘ the leal.
Oh! haud ye leal and true, Jean,
Your day its wearin thro, Jean,
And I‘ll welcome you
To the land of the leal.
Your day its wearin thro, Jean,
And I‘ll welcome you
To the land of the leal.
Now fare-ye-weel, my ain Jean,
This warld‘s cares are vain, Jean,
We‘ll meet and ay be fain
In the land o‘ the leal.
This warld‘s cares are vain, Jean,
We‘ll meet and ay be fain
In the land o‘ the leal.