Ten Favourite Songs/On wi' the Tartan

For other versions of this work, see On wi' the Tartan.

On wi' the Tartan. A Scotish Song, set to Music by R. A. Smith.

Can ye lo'e, my dear lassie, the hills wild and free,
Whare the sang o' the Shepherd gars a' ring wi' glee;
Or the steep rocky glen whare the wild falcons bide?
Then on wi' the tartan an' fie let us ride.

Can ye lo'e the knowes, lassie, that ne'er war in riggs?
Or the bonnie lown knowes whare the sweet Robin biggs?
Or the sang o' the lintie, whan wooin' his bride?
Then on wi' the tartan an' fie let us ride.

Can ye lo'e the burn, lassie, that loups amang linns?
Or the bonnie green holms whare it cannily rins,
Wi' a canty bit housie sae snug by its side?
Then on wi' the tartan, an' fie let us ride.