The Book of Scottish Song/Cuttie's Wedding

Cuttie's Wedding.

[From "Ancient Ballads and Songs of the North of Scotland," collected by Peter Buchan: Edinburgh, 1828.]

Busk and go, busk and go,
Busk and go to Cuttie's wedding!
Wha wad he the lass or lad
That wadna gang an they were bidden?

Cuttie he's a lang man,
O he'll get a little wifie;
But he'll tak' on to the town loan
When she tak's on her fickie-fykie.

Cuttie he cam' here yestreen;
Cuttie he fell ower the midden;
He wat the house, and tint his shoon,
Courtin' at a cankert maiden.

He sat him doun upon the green,
The lass cam' till him wi' a biddin';
He says. Gin ye were mine, my dame,
Monie ane's be at our weddin'.

Busk and go, busk and go,
Busk and go to Cuttie's wedding!
Wha wad be the lass or lad
That wadna gang an they were bidden?

---