The Book of Scottish Song/I'll lo'e thee, Annie

I'll lo'e thee, Annie.

[From a collection of Poems published in 1836, entitled "The Sea Nymph's Wake, and other Poems: by Robert Hamilton." Mr. Hamilton is now resident in New York, and editor there of a popular monthly miscellany, called "The Ladies' Companion."]

I'll lo'e thee, Annie, while the dew
In siller bells hings on the tree;
Or while the burnie's waves o' blue
Rin wimplin' to the rowin' sea.
I'll lo'e thee while the gowan mild
Its crimson fringe spreads on the lea;
While blooms the heather in the wild—
Oh! Annie, I'll be true to thee.

I'll lo'e thee while the lintie sings
His sang o' love on whinny brae;
I'll lo'e thee while the crystal springs
Glint in the gowden gleams o' day;
I'll lo'e thee while there's licht aboon,
And stars to stud the breast o' sky;
I'll lo'e thee till life's day is done,
And bless thee wi' my latest sigh.

---