The Book of Scottish Song/If on earth

If on earth.

[Air, "We'll meet beside the dusky glen."—This appeared in a small collection with the signature "Mrs. J. S., Rutherglen."]

If on earth there is enjoyment,
'Tis our ain fireside,
Though the mind has its employment,
At our ain fireside;
Our bairnies round us twine,
Like the ivy or the vine,
Wi' looks sae sweet and kin'
At our ain fireside.

Yet we're no without our toil,
At our ain fireside,
Care mixes wi' the smile,
At our ain fireside;
But wi' hearts sae leal an' true,
We hope to wuddle through
Life's linked and ravelled clew,
At our ain fireside.

But when our bairns are up,
At our ain fireside,
They'll be our stay and prop,
At our ain fireside;
Wi' filial love and care,
They will a' our pleasures share,
And our age they will revere,
At our ain fireside.

Though we ha'e nae muckle wealth,
At our ain fireside,
Yet wi' sweet content and health,
At our ain fireside;
We envy not a king,
For riches canna bring
The blessings we can sing,
At our ain fireside.

And when the time shall come,
At our ain fireside,
That'll lay us in the tomb,
Frae our ain fireside;
Wi' faith that canna shrink,
We'll no tremble on the brink,
When death shall loose the link,
At our ain fireside.

---