The Book of Scottish Song/My luve's in Germany

My luve’s in Germany.

[This, to the tune of "Ye Jacobites by name," was first published as a single sheet song by N. Stewart & Co., Edinburgh, and was said to have been written by a lady on the death of an officer, in 1794. Hector Macneill, however, claimed it as his own.]

My luve's in Germanie;
Send him hame, send him hame:
My luve's in Germanie;
Send him hame.
My luve's in Germanie,
Fighting brave for royalty;
He may ne'er his Jeanie see,
Send him hame, send him hame,
He may ne'er his Jeanie see;
Send him hame.

He's as brave as brave can be;
Send him hame, send him hame;
Our faes are ten to three;
Send him hame.
Our faes are ten to three;
He maun either fa' or flee,
In the cause of loyalty;
Send him hame, send him hame;
In the cause of loyalty;
Send him hame.

Your luve ne'er learnt to flee,
Bonnie dame, winsome dame;
Your luve ne'er learnt to flee,
Winsome dame.
Your luve ne'er learnt to flee,
But he fell in Germanie,
Fighting brave for loyalty
Mournfu' dame, mournfu' dame;
Fighting brave for loyalty,
Mournfu' dame.

He'll ne'er come ower the sea;
Willie's slain, Willie's slain;
He'll ne'er come ower the sea;
Willie's gane!
He will ne'er come ower the sea,
To his luve and ain countrie.
This warld's nae mair for me;
Willie's gane, Willie's gane;
This warld's nae mair for me:
Willie's gane!

---