The Book of Scottish Song/On Whitsunday morning

On Whitsunday morning.

["The Yellow-Hair'd Laddie" must have been a favourite tune in Ramsay's day. Here is another song which appears in the "Tea-Table Miscelleny," adapted to the same air. It is marked by simplicity and natural feeling.]

On Whitsunday morning
I went to the fair;
My yellow-hair'd laddie
Was selling his ware;
He gied me sic a blithe blink,
With his bonnie black e'e,
And a dear blink, and a fair blink,
It was unto me.

I wist not what ailed me,
When my laddie cam' in;
The little wee sternies
Flew aye frae my een;
And the sweat it dropt down
Frae my very e'e-bree,
For my heart aye played
Dunt, dunt, dunt, pittie pattie.

I wist not what ailed me,
When I went to my bed,
I tossed and I tumbled,
And sleep frae me fled,
Now, it's, sleeping and waking,
He's aye in my e'e,
And my heart aye plays
Dunt, dunt, dunt, pittie pattie.

---