The Book of Scottish Song/Patie and Peggie

Patie and Peggie.

[From Ramsay's Gentle Shepherd.]

Patie.

By the delicious warmness of thy mouth,
And rowing eye, which smiling tells the truth,
I guess, my lassie, that, as weel as I,
You're made for love, and why should ye deny?

Peggy.

But ken ye, lad, gin we confess o'er soon,
Ye think us cheap, and syne the wooing's done:
The maiden that o'er quickly tines her power,
Like unripe fruit will taste but hard and sour.

Patie.

But when they hing o'er lang upon the tree,
Their sweetness they may tine, and sae may ye:
Red-cheeked you completely ripe appear,
And I have thol'd and woo'd a lang half year.

Peggy.

Then dinna pu' me; gently thus I fa'
Into my Patie's arms for good and a';
But stint your wishes to this frank embrace,
And mint nae farther till we've got the grace.

Patie.

A charming armsfu'! hence, ye cares, away,
I'll kiss my treasure a' the live-lang day;
A' night I'll dream my kisses o'er again,
Till that day come that ye'll be a' my ain.
Sun, gallop down the westlin skies,
Gang soon to bed, and quickly rise;
O lash your steeds, post time away,
And haste about our bridal day:
And, if ye're wearied, honest light,
Sleep, gin ye like, a week that night.

---