The Book of Scottish Song/The Cooper of Fife

The Cooper of Fife.

There was a wee cooper who lived in Fife,
Nickity, nackity, noo, noo, noo.
And he has gotten a gentle wife.
Hey Willie Wallacky, how John Dougall,
Alane, quo' rushety, roue, roue, roue.

She wadna bake, nor she wadna brew,
Nickety, &c.
For the spoiling o' her comely hue,
Hey Willie, &c.

She wadna card, nor she wadna spin,
Nickety, &c.
For the shaming o' her gentle kin,
Hey Willie, &c.

She wadna wash, nor she wadna wring,
Nickety, &c.
For the spoiling o' her gouden ring,
Hey Willie, &c.

The cooper's awa' to his woo pack,
Nickety, &c.
And has laid a sheep skin on his wife's back,
Hey Willie, &c.

It's I'll no thrash ye for your proud kin,
Nickety, &c.
But I will thrash my ain sheep skin,
Hey Willie, &c.

Oh! I will bake and I will brew,
Nickety, &c.
And never mair think on my comely hue,
Hey Willie, &c.

Oh! I will card and I will spin,
Nickety, &c.
And never mair think on my gentle kin,
Hey Willie, &c.

Oh! I will wash and I will wring,
Nickety, &c.
And never mair think on my gouden ring,
Hey Willie, &c.

A' ye wha ha'e gotten a gentle wife,
Nickety, nackety, woo, woo, woo;
Send ye for the wee cooper o' Fife,
Hey Willie Wallacky, how John Dougall,
Alane, quo' rushety, roue, roue, roue.

---