The Book of Scottish Song/Welcome Jamie hame again

Welcome Jamie hame again.

[Written by H. S. Van Dyk.—Set to music by T. A. Rawlings.]

Now mony a weary day has pass'd,
An' mony a lang an' sleepless night,
Sin' I beheld my sodger last,
Wha left me for the cruel fight.
But though I wept that we maun part,
Though ilka pleasure turn'd to pain,
I'll keep a place within my heart
To welcome Jamie hame again.

He shall nae say that time has changed
The passion I ha'e joy'd to feel,
Nor that ae thought has been estranged
Frae ane whom I ha'e lo'ed sae weel.
For I will dry my tearful e'e,
Will think nae mair o' parted pain,
And let my bonnie sodger see
I welcome Jamie hame again.

---