The Book of Scottish Song/Young Phemie

Young Phemie.

[James Macdonald.—Here first printed.]

Ae summer eve o' rosy joy, when a' was quiet an' still,
I wandered east alang the banks o' lanely Provan Mill;
The mavis sang his evening hymn upon the birken tree,
An' bade gude nicht to a' the flowers on Rosemount's bonnie lea.

The mellow sang, the shady hour, the lovely autumn sky,
Were a' forgot, whene'er I saw young Phemie passing by;
For Phemie's face is a' my sang, her smile is life to me,
And ne'er a sky sae pleased my heart as Phemie's kindly e'e.

O fauld her in your arms, ye winds, at balmy evening's close,
And breathe your sweetest dew-drops on my lovely blooming rose;
For a' the dream o' wealth to me, this warld's hope can gi'e,
Is hoarded in the gowden vase o' bonnie Phemie's e'e.

---