The Canary/Jenny dang the Weaver

by Alexander Boswell

For other versions of this work, see Jenny dang the Weaver.

Jenny dang the Weaver.

⟨At⟩ Willie's wedding on the green,
⟨The⟩ lasses, bonny witches,
⟨Were⟩ a' drest out in aprons clean,
⟨And⟩ braw white Sunday mutches.
Auld Maggy bad the lads take tent,
But Jock would not believe her,
But soon the fool his folly kent,
For Jenny dang the weaver,
Jenny dang, &c.

At ilka kintra dance or reel,
Wi' her he would be bobbing;
When she sat down, he sat down,
And to her would be gabbing.
Where'er she gaed baith but and ben,
The cuif wad never leave her,
Aye keckling like a clocking hen
But Jenny dang the weaver.
Jenny dang, &c.

Quoth he, my lass, to speak my mind,
In troth I need na swither,
Yon've bonny een, and if you're kind
Ise never seek anither.
He humm'd and ha'd, the lass cry'd peugh,
And baud the cuif not deave her;
Syne snapt her fingers, lap and leugh,
And dang the silly weaver.
And Jenny dang, dang, dang,
Jenny dang the weaver;
Syne snapt her fingers, lap and leugh
And dang the silly weaver.