The Ewie wi' the Crooked Horn/The Mill, Mill, O
For other versions of this work, see The Mill, Mill, O.
THE MILL, MILL, O.
Beneath a green shade I fand a fair maid,Was sleeping sound and still, O;A' lowan wi' love, my fancy did rove,Around her wi' good will, O.Her bosom I prest, but sunk in her rest,She stirr'd na my joy to spill, O:While kindly she slept close to her I crept;And kiss'd, and kiss'd her my fill, O.
Oblig'd by command in Flanders to land,T' employ my courage and skill, O,Frae her quietly I staw, hoist sails and awa,For the wind blew fair on the billow.Twa years brought me hame, whar loud-raising fame,Tauld me, wi' a voice right shrill, O,My lass, like a fool, had mounted the stool,Nor kend wha had done her the ill, O.
Mair fond o' her charms, wi' my son in her arms,I ferlying spier'd how she fell, O,Wi' the tear in her ee, quo' she, let me die,Sweet Sir, gin I can tell, OBut love gave command, I took her by the hand,And bade a' her fears dispel, O,And nae mair look wan, for I was the man,Wha had done her the deed mysel, O.
My bonay sweet lass, on the gowany grass,Beneath the shilling Hill, O,If I did offence, I'se mak ye amends,Before I leave Peggy's mill, O.O the mill mill O, and the kill kill O,And the coggin o' the wheel, O,The sack and the sieve, a' that ye maun leave,And round wi' a sodger reel, O.