The Farmer/Young Allan

YOUNG ALLAN.

The sun in the west fads to rest in the e'vning,
Ilk morn blinks chearfu' upon the green lea:
But ah! on pillow of sorrow aye leaning,
Nae morning, nae e’vning brings pleasure to me.
O! waefu' the parting, when smiling at danger,
Young Allan left Scotia to meet wi' the fae:
Cauld, cauld now he lies in a land amang strangers,
Frae friends and fare Helen for ever away.

By the sik on the mountain resists the blast rairin’,
Sae did he the brunt o’ the battle sustain,
Till treachery arrested his courage sae darin',
And laid him pale lifeless upon the drear plain
Cauld winter the flower divests o' its cleadin',
In simmer again it blooms bonny to see;
But naething alas! can e’er heal my heart bleeding
Drear winter remaining for ever wi' me

---