The Goldfinch (1817)/Auld Langsyne
For other versions of this work, see Auld Lang Syne (Burns).
Auld Langsyne.
Should auld acquaintance be forgot,An' never brought to mind;Should auld acquaintance be forgot,An' days o' langsyne.For auld langsyne, my dearieFor auld langsyne,We'll tak a cup o' kindness yet,For auld langsyne.
We twa hae run about the braes,An' pu'd the gowans fine;But we've wander'd mony a weary fitSin' auld langsyne.For auld langsyne, &c.
We twa hae paidlet in the burn,When simmer days did shine;But seas between us braid hae roar'dSin' auld langsyne.For auld langsyne, &c.
And there's a hand, my trusty friend,An' gie's a claught o' thine,An' we'll toom the cup to friendship's growth,An' auld langsyneFor auld langsyne, &c.
An' surely ye'll be your pint-stoup,As sure as I'll be mine,An' we'll tak a right gudewillie waughtFor auld langsyne.For auld langsyne, my dear,For auld langsyne,We'll tak a cup o' kindness yet,For auld langsyne.