The Greenock Railway/O What Will a' the Lads Do
For other versions of this work, see When Maggie gangs away.
O WHAT WILL A' THE LADS DO?
O what will a' the lads doWhen Maggy gangs away?O what will a' the lads do,When Maggy gangs away?There's no a heart in a' the glenThat disna dread the day;O what will a' the lads doWhen Maggy gangs away?
Young Jock has ta'en the hill for't,A waefu' wight is he;Poor Harry's ta'en the bed for't,And laid him down to dee.And Sandy's gane unto the kirk,And learning fast to pray; And O what will the lads do,When Maggy gangs awa?
The young laird o' the LangshawHas drunk her health in wine;The priest in confidence has saidThe lassie was divine;And that is mair in maiden's praiseThan ony priest should say;But O what will the lads doWhen Maggy gangs away?
The wailing in our green glenThat day will quaver high;'Twill draw the redbreast frae the wood,The laverock frae the sky;The fairies frae their beds o' dewWill rise and join the lay;O hey! what a day will beWhen Maggy gangs away.