The Highland Plaid (4)/Lament for Burns

by Anonymous

LAMENT FOR BURNS.

Lang fam'd Rab Burns, ilk lassie mourns,
 ay since he's gane awa'
His presence did a' grief forbid,
 he cheer'd the lasses a';
Nae mair he'll chant wi' neighbouring rant,
o'er flowing bowls at e'en,
Awa' he's gane to his lang hame,
and left his bonny Jean.

His memory dear will still us cheer,
I'll sing the praise o' Burns;
Ilk laddie here and lassie dear,
must mingle wi' the worms;
Uncertain man's life but a span,
how often times we've seen;
The fairest flower in nature's bower,
pull'd in the bud when green.

Ye nymphs and swains among the plains,
and birds in ilka tree,
Ye meadows green, and farie Queen
and sailors on the sea,
Loud blaw the fame o' him that's gane,
beside the lads in urns,
Brave Scotia's boys will still rejoice,
to hear the name of Burns.

Frae morn till night my heart grows light,
to hear the lasses sing
His bonny sang that name can bang,
it gars my lugs a' ring,
It's bonnie air can banish care,
by ingle sides at e'en,
Now cauld's the heart that once did smart,
frae twa bewitching een.

---