The Irish maniac/Welcome Royal Charley

Welcome, Royal Charlie.

Tae man that should our king ha'e been,
He wore the royal red and green;
A braver lad ye wadna seen,
Than our young royal Charlie.

O ye’ve been lang o’ coming,
Lang lang lang o’ coming,
O ye’ve been lang o’ coming,
Welcome royal Charlie.

When Charlie in the Highland shiel,
Forgatherit wi’ the great Lochiel,
O sic kindness did prevail,
Atween the chief and Charlie!
O ye’ve been, &c,

But at Fa'kirk and Prestonpans,
Supported by our Highland clans,
He brake the Hanoverian bands,
Our brave young royal Charlie.
O ye’ve been, &c.

We daurna brew a peck o‘ maut,
Sut Geordie he mun ca't a fau‘t,
And to our kail we scarce get saut.
For want o‘ royal Charlie.
O ye've been, &c.

Since our true king was turned awa,
A doited German rules us a'
And we are forced against the law,
for the right belangs to Charlie.
O ye've been, &c.

Since our true king abroad has gone,
Ther‘s nought but Whelps sit on his throne,
And Whelps it is denied by none,
Are beasts compared to Charlie.
O ye've been &c.

O an' Charlie he were back,
We wadna hee-l the German's crack,
Wi'a' his thievish hungry pack,
For the right belangs to Charlie.
O ye've been, &e.

Then, Charlie come and lead the way,
And Whelps nae mair shall bear the sway,
Though every maun dog hae its day,
The right belangs to Charlie
O ye've been, &e.