The Legacy (Glasgow)/Jockey's Far Awa'
JOCKEY'S FAR AWA'.
Now simmer decks the fields wi' flow'rs,
the woods wi' leaves sae green;
And little birds, around their bow'rs,
in harmony convene.
The cuckoo flies frae tree to tree,
whilst saft the zephyrs blaw;
But what are a' thae joys to me,
when Jockey's far awa:
When Jockey's far awa at sea,
when Jockey's far awa:
But what are a' thae joys to me,
when Jockey's far awa.
Last May morn, how sweet to see
the little lambkins play,
Whilst my dear lad, alang wi' me;
did kindly walk this way.
On yon green bank wild flow's he pou'd,
to busk my bosom braw;
Sweet, sweet he talk'd; and aft he vow'd;
but now he's far awa,
But now, &c.
O gentle peace return again,
bring Jo key to my arms,
Frae dangers on the raging main,
frae cruel war's alarms
Gin e'er we meer, nae mair we'll part
as lang's we've breath to draw;
Nae mair I'll sing, wi' aching heart,
my Jockey's far awa.
My Jockey's, &c.