The Melodist/Tam Glen

by Anonymous

TAM GLEN.

My heart is a-breaking, dear Titty,
Some counsel unto me now len’,
To anger them a’ is a pity.
But what will I do wi’ Tam Glen?
I'm thinking wi‘ sic a braw fellow,
In poortith I might mak a feu';
What care I in riches to wallow,
If I manna marry Tam Glen?

There's Laurie the Laird o' Drumpeller,
Glide day ta—ye then comes ben;
He brags and be blaws o‘ his siller,
But whan will he dance like Tam Glen?
My mither she constantly deeves me,
And bids me beware o' young men;
They‘ll flatter, she says, to deceive me,
But wha wad think sae o‘ Tam Glen?

My daddy says, Gin I'll forsake him,
He‘ll gie me gude hundred merks ten;
But if ‘tis ordain'd I‘m to take him;
Wha else can I get but Tam Glen?
Yestreen, at the Valentines dealing,
My heart to my mou‘ gied a sten!
For thrice I drew ane without failing,
And thrice it was written Tam Glen!

The last Halloween I lay waking,
My droucked sark sleeve as ye ken,
His likeness came ben the house stalking,
Ay, the vera graybreeks o‘ Tam Glen!
Your counsel, dear Titty, don't tarry,
I'll gie you my bonny black hen,
If that ye'll advise me to marry
The lad I lo‘e dearly, Tam Glen.

———0———