The Musical Charmer/Gude Forgi'e me for Liein'
For other versions of this work, see Gude Forgi'e Me for Liein'.
Gude Forgi'e me for Liein'.
Ae day a braw wooer came down the lang glen,and fast wi' his love he did deave me:But I said there was naething I hated like men:The duce tak' the lad to believe me.
A weel-stocked mailen, himsel' o't the laird,An bridal aff han', was the offer;I never look on that I kend or car'd.But I thought I might waur offer.
He spoke o' the darts o' my bonny black een;An' O! for my love he was diein;I said he might drew an liket for Jean:The gude forgi'e me for liein'.
But what do ye think? in a fortnight or less,(He ha a poor taste to gae near her)He's down to the castle to black cousin Bess;O! think how I could endure her!
An' a' the niest ouk as I fretted wi' care,I gaed to the tryst o' Duigarlock;An' wha but my au'd fickle wooer was there!Wha star'd as if he'd seen a warlock.
Out-owre my left shouther I gied him a blink,Left neighbours shou'd say I was saucy,My wooer he caper'd as he'd been in drink,And vow'd that I was a dear lassie.
I speer'd for my cousin, fu' couthy and sweet,An' if she'd recover'd her hearin'?An' how my auld shoos fitted her shachel'd feet?Gude-saf' us how he fell a-swearin'!
He begg'd me for gudesake that I'd be his wife,Or else I wad kill him wi' sorrow;An' just to preserve the poor body in life,I think I will wed him to-morrow.
