The Musical Charmer/Neil Gow's Strathspey

by Anonymous

Neil Gow’s Strathspey.

Of a' the springs that e’er were play’d,
out-o’er at Habbie s Howe,
Whar Allan sang, that canty blade,
there’s none like Neil Gow.

Let ilka stirrah swet an’ strang,
Tak up his lassie wi a bang,
An' fit the floor the bale day lang,
For bonny Neil Gow.

Young Duncan in the highlan' glen,
gangs whistlin’ at the plow.
Till i ka strath, an’ brae, an fen,
resounds wi' Neil Gow.

Let ilka stirrah, &c.

O happy sight! to see the plaid
flung down upo' the know,
While ilka supple Celtic blade
cries. Up wi' Neil Gow.
Let ilka stirrah, &c.

There’s Jack out-o'er his kan o’ grog,
abast the Vessel’s prow,
Wi’ glee he tipples out his cog,
an’ sings out Neil Gow.
Let ilka stirrah, &co.

The Sodger, new come frae the war;
will hirple as he dow,
An’ wag his sit, for a’ his fears,
to canty Neil Gow.
Let ilka stirrah, &c.

The Cotter, at his ingle-cheek,
sits noddin’ o’er the low,
But waken' him, an’ gar him speak,
he’ll cry for Neil Gow.
Let ilka stirrah. &c.

o———o———o