The Poetical Works of Elijah Fenton/Johannis Secundi. Basium I

by Elijah Fenton

JOHANNIS SECUNDI.

BASIUM I.

Cum Venus Ascanium super alta Cythera tuliffet,
Sopitum teneris imposuit violis;
Albarum nimbos circumfuditque rosarum,
Et totum liquido sparsit odore locum.
Mox veteres animo revocavit Adonidis igneis, 5
Notus et irrepsit ima per offa calor.
O, quoties voluit circundare colla nepotis?
O, quoties dixit, Talis Adonis erat!
Sed placidam pueri metuens turbare quietem,
Fixit vicinis Basia mille rosis. 10
Ecce! calent illæ, cupidæque per ora Diones
Aura, susurranti flamine, lenta subit.
Quotque rosas tetigit, tot Basia nata repentè
Gaudia reddebant multiplicata deæ.
At Cytherea, natans niveis per nubila cygnis, 15
Ingentis terræ cœpit obire globum:
Triptolemique modo, fœcundis Oscula glebis
Sparsit, et ignotos ter dedit ore sonos.
Inde seges felix nata est mortalibus ægris;
Inde medela meis unica nata malis. 20
Salvete æternùm, misèræ moderamina flammæ,
Humida de gelidis Basia nata rosis!
En ego sum, vestri quo vate canentur honores,
Nota Medusæi dum juga montis erunt:
Et memor Æneadûm stirpisque disertus amatæ,
Mollia Romulidûm verba loquetur amor. 26