The Poetical Works of Robert Burns/By Allan Stream
For other versions of this work, see By Allan Stream.
BY ALLAN STREAM.
TUNE—'ALLAN WATER.'
By Allan stream I chanc'd to rove,While Phœbus sank beyond Benleddi;The winds were whispering thro' the grove,The yellow corn was waving ready:I listen'd to a lover's sang,And thought on youthfu' pleasures monie;And aye the wild-wood echoes rang—O, dearly do I love thee, Annie!
O, happy be the woodbine bower,Nae nightly bogle mak it eerie;Nor ever sorrow stain the hour,The place and time I met my dearie!Her head upon my throbbing breast,She, sinking, said 'I'm thine for ever!'While monie a kiss the seal imprest,The sacred vow, we ne'er should sever.
The haunt o' spring's the primrose brae,The simmer joys the flocks to follow;How cheery thro' her shortening dayIs autumn, in her weeds o' yellow!But can they melt the glowing heart,Or chain the soul in speechless pleasure,Or, thro' each nerve the rapture dart,Like meeting her, our bosom's treasure?