The Poetical Works of Robert Burns/Green grow the Rashes
For other versions of this work, see Green Grow the Rashes.
GREEN GROW THE RASHES.
A FRAGMENT.
CHORUS.
Green grow the rashes, O;
Green grow the rashes, O;
The sweetest hours that e'er I spend,
Are spent amang the lasses, O!
Green grow the rashes, O;
Green grow the rashes, O;
The sweetest hours that e'er I spend,
Are spent amang the lasses, O!
There's nought but care on ev'ry han',
In ev'ry hour that passes, O;
What signifies the life o' man,
An' 'twere na for the lasses, O.
Green grow, &c.
In ev'ry hour that passes, O;
What signifies the life o' man,
An' 'twere na for the lasses, O.
Green grow, &c.
The warly race may riches chase,
An' riches still may fly them, O;
An' tho' at last they catch them fast,
Their hearts can ne'er enjoy them, O.
Green grow, &c.
An' riches still may fly them, O;
An' tho' at last they catch them fast,
Their hearts can ne'er enjoy them, O.
Green grow, &c.
But gie me a canny hour at e'en,
My arms about my dearie, O;
An' warly cares, an' warly men,
May a' gae tapsalterie, O!
Green grow, &c.
My arms about my dearie, O;
An' warly cares, an' warly men,
May a' gae tapsalterie, O!
Green grow, &c.
For you sae douse, ye sneer at this,
Ye're nought but senseless asses, O:
The wisest man the warl' saw,
He dearly lov'd the lasses, O.
Green grow, &c.
Ye're nought but senseless asses, O:
The wisest man the warl' saw,
He dearly lov'd the lasses, O.
Green grow, &c.
Auld Nature swears, the lovely dears
Her noblest work she classes, O;
Her prentice han' she tried on man,
An' then she made the lasses, O.
Green grow, &c.
Her noblest work she classes, O;
Her prentice han' she tried on man,
An' then she made the lasses, O.
Green grow, &c.