The Poetical Works of Robert Burns/Naebody

by Robert Burns (1759-1796)

For other versions of this work, see Naebody.

NAEBODY.

 

I hae a wife o' my ain, I'll partake wi' naebody; I'll tak cuckold frae nane, I'll gie cuckold to naebody.

I hae a penny to spend, There—thanks to naebody; I hae naething to lend, I'll borrow frae naebody.

I am naebody's lord, I'll be slave to naebody; I hae a guid braid sword, I'll tak dunts fra naebody.

I'll be merry and free, I'll be sad for naebody; If naebody care for me,I'll care for naebody.