The Poetical Works of Robert Burns/The bonie Lad that's far away
For other versions of this work, see The Bonie Lad That's Far Away.
THE BONIE LAD THAT'S FAR AWAY.
TUNE—'OWRE THE HILLS AND FAR AWAY.'
O how can I be blithe and glad,Or how can I gang brisk and braw,When the bonie lad that I lo'e bestIs o'er the hills and far awa?
It's no the frosty winter wind,It's no the driving drift and snaw;But ay the tear comes in my e'e,To think on him that's far awa.
My father pat me frae his door,My friends they hae disown'd me a':But I hae ane will tak my part,The bonie lad that's far awa.
A pair o' gloves he gae to me,And silken snoods he gae me twa;And I will wear them for his sake,The bonie lad that's far awa.
The weary winter soon will pass,And spring will cleed the birken-shaw:And my sweet babie will be born,And he'll came hame that's far awa.