The Poetical Works of Robert Burns/The rantin Dog the Daddie o't
For other versions of this work, see The Rantin Dog the Daddie O't.
THE RANTIN DOG THE DADDIE O'T.
TUNE—'EAST NOOK O' FIFE.'
O wha my babie-clouts will buy?
Wha will tent me when I cry?
Wha will kiss me whare I lie?
The rantin dog the daddie o't.
Wha will tent me when I cry?
Wha will kiss me whare I lie?
The rantin dog the daddie o't.
Wha will own he did the faut?
Wha will buy my groanin maut?
Wha will tell me how to ca't?
The rantin dog the daddie o't.
Wha will buy my groanin maut?
Wha will tell me how to ca't?
The rantin dog the daddie o't.
When I mount the creepie-chair,
Wha will sit beside me there?
Gie me Rob, I seek nae mair,
The rantin dog the daddie o't.
Wha will sit beside me there?
Gie me Rob, I seek nae mair,
The rantin dog the daddie o't.
Wha will crack to me my lane?
Wha will mak me fidgin fain?
Wha will kiss me o'er again?
The rantin dog the daddie o't.
Wha will mak me fidgin fain?
Wha will kiss me o'er again?
The rantin dog the daddie o't.