The Poetical Works of Robert Burns/Weary fa' you, Duncan Gray
For other versions of this work, see Weary fa' you, Duncan Gray.
WEARY FA' YOU, DUNCAN GRAY.
TUNE—'DUNCAN GRAY.'
Weary fa' you, Duncan Gray—Ha, ha, the girdin o't!Wae gae by you, Duncan Gray—Ha, ha, the girdin o't!When a' the lave gae to their play,Then I maun sit the lee-lang day,And jog the cradle wi' my tae,And a' for the girdin o't.
Bonie was the Lammas moon—Ha, ha, the girdin o't!Glowrin' a' the hills aboon—Ha, ha, the girdin o't!The girdin brak, the beast cam down,I tint my curch, and baith my shoon;Ah! Duncan, ye're an unco loon—Wae on the bad girdin o't!
But, Duncan, gin ye'll keep your aith―Ha, ha, the girdin o't!Ise bless you wi' my hindmost breath—Ha, ha, the girdin o't!Duncan, gin ye'll keep your aith,The beast again can bear us baith,And auld Mess John will mend the skaith,And clout the bad girdin o't.