The Poetical Works of William Motherwell/My Ain Countrie
My Ain Countrie.
Ye bonnie haughs and heather braes
Whair I hae daft youth's gladsome days,
A dream o' by-gane bliss ye be
That gars me sigh for my ain countrie!
Lang dwinin' in a fremit land
Doth feckless mak' baith heart and hand,
And starts the tear-drap to the ee
That aye was bricht in the auld countrie.
Tho' Carron Brig be gray and worn,
Where I and my forebears were born,
Yet dearer is its time-touched stone
Than the halls of pride I now look on.
As music to the lingerin' ear
Were Carron's waters croonin' clear;
They call to me, where'er I roam,
The voices o' my long-lost home!
And gin I were a wee wee bird,
Adown to licht at Randie Ford,
In Kirk O' Muir I'd close mine ee,
And fald my wings in mine ain countrie!