The Sentimental Songster/Marry for Love and Work for Siller

"MARRY FOR LOVE AND WORK FOR SIL(illegible text)

When I and my Jenny thegither were tied,
We had but sma’ share o’ the world between us;
Yet lo’ed ither weel, and had youth on our side,
And strength and guid health were abundantly gi'(illegible text)
I warsled and toiled through the fair and the foul,
And she was right carfu’ o’ what I brought till he(illegible text)
For aye we had mind o’ the canny auld rule,
Just "marry for love, and work for siller."
Our bairns they cam' thick—we were thankfu’ for that,
For the bit and the brattie cam' aye alang wi’ them;

Our pan we exchanged for a guid muckle pat,
And somehow or ither, we aye had to gi’e them.
Our laddies grew up, and they wrought wi’ mysel’,
Ilk ane gat as buirdly and stout as a miller,
Our lasses they keeper us trig aye, and bale,
And now we can count a bit trifle o' siller.

But I and my Jenny are baith wearin’ down,
And our lads and our lassies hae a' gotten married
Yet see, we can rank wi’ the best i' the town,
Though our noddles we never to paughtily carried.
And mark me—I’ve now got a braw cockit hat,
And in our civic building am reckon'd a pillar;
Is na that a bit honour for ane to get at,
Wha married for love, and wha wrought for siller?