The Sentimental Songster/The Highland Laddie
THE HIGHLAND LADDIE.
The Lawland lads thinks they are fine,
But O they’re vain an’ idle gaudy!
How, much, unlike that giacefu’ mein,
An’ manly looks o’ my Highland laddie.
O my bonny, bonny Highland laddie.
My handsome charming Highland laddie;
May heaven still guard, an’ love reward
Our Lawland lass an’ her Highland laddie.
If I were free at will to chuse,
To be the wealthiest Lawland lady,
I’d tak young Donald without trews,
Wi' bannet blue an’ belted plaidy.
O my bonny, &c.
The brawest beau in borrows town,
In a’ his airs, wi’ art made ready,
Compar’d to him, he’s but a clown;
He’s finer far in’s tartan plaidy.
O my bonny, &c.
O’er benty hill wi’ him I’ll run,
An’ leave my Lawland kin an' daddy;
tae winter’s cauld an’ summer’s sun
He’ll screen me wi’ his Highland plaidy.
O my bonny, &c.
A painted room an’ silken bed,
May please a Lawland laird an’ lady
But I can kiss, an’ be as glad,
Behind a bush in ’s Highland plaidy.
O my bonny, &c.
New compliments between us pass,
I ca’ him my dear Highland laddie;
An’ he ca’s me his Lawland lass,
Syne rows me in his Highland plaidy.
O my bonny, &c.
Nae greater joy I'll e’er pretend,
Than that his love prove true an’ steady,
Like mine to him ; which ne’er shall end,
While heaven preserves my Highland laddie
O my bonny, &c.